超級市場

超級市場，簡稱超市，係零售市場，唔同以前嘅士多、雜貨鋪，顧客可以嚮鋪頭隨便睇貨，零距離研究隻貨，隻隻有價錢牌，唔使下下問店員。顧客推購物車，自己先攞好貨，最後先去出口畀錢。
超級市場常見嘅係日用品超市：鋪頭入面分區為飲品、凍肉、海鮮、乾貨、家具咁。
除咗日常消費品，有好多時裝店、五金鋪、書店都以「超級市場」方式賣嘢。
喺香港，「超市價」曾經代表售價平，因為直接入貨，避免咗中間商嘅利潤。不過，當消費者有咗慣性消費，士多又已經執晒，而家超市價已經唔係最平，因為市場壟斷，直接入貨嘅著數落咗大超市個袋。
資料來源:維基百科http://zh-yue.wikipedia.org/wiki/%E8%B6%85%E7%B4%9A%E5%B8%82%E5%A0%B4